Պաշտոնական. «Լուդոգորեցը» պաշտոնանկ է արել Ռուի Մոտային 📸
Բուլղարիայի վերջին 14 տարիների անփոփոխ չեմպիոն «Լուդոգորեցը» գլխավոր մարզչի պաշտոնից հեռացրել է Ռուի Մոտային, հաստատում է ակումբի պաշտոնական կայքը։
Կողմերն այժմ բանակցում են գործող պայմանագրի խզման հարցում։ Պորտուգալացի մասնագետի պաշտոնանկության պատճառ նշվում է ակումբի անբավարար արդյունքները։
46-ամյա մասնագետը Ռազգրադը ներկայացնող ակումբը գլխավորում էր այս տարվա հուլիսից։ «Լուդոգորեցը» նրա գլխավորությամբ 22 խաղում տարել է 10 հաղթանակ, գրանցել 8 ոչ-ոքի, կրել 4 պարտություն։
Ռուի Մոտան նախորդ մրցաշրջանում մարզում էր «Նոան», որի հետ դարձել է Հայաստանի չեմպիոն ու գավաթակիր, մասնակցել Կոնֆերենցիաների լիգայի Լիգայի փուլին։
«Չեռնոմորեց 1919»-ի դեմ Բուլղարիայի գավաթի խաղարկության 1/16 եզրափակիչի խաղում «Լուդոգորեցի» մարզչական ղեկին կլինի Տոդոր Ժիվոնդովը։ 44-ամյա մասնագետը գլխավորում է ակումբի երկրորդ թիմը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Բուլղարիայի առաջնություն, Լյուդոգորեց, Նոա, Ռուի Մոտա