«Ալ Հիլալն» անհավանական հաշվով հաղթել է Սելարայանի նախկին ակումբին 🎥

Սաուդյան Արաբիայի Պրո լիգայի 15-րդ տուրում գործող չեմպիոն «Ալ Հիլալը» սեփական դաշտում մրցեց «Ալ Ֆաթեհի» դեմ։

Տանտերերը պարզապես անհավանական ֆուտբոլ ցույց տվեցին և մրցակցին ջախջախեցին 9:0 հաշվով։

Ժորժե Ժեզուսի գլխավորած թիմից բրազիլացի հարձակվող Մարկոս Լեոնարդոն հեթ-տրիկ գրանցեց, Կալիդու Կուլիբալին, Ռենան Լոդին, Սերգեյ Միլինկովիչ-Սավիչը, Աբդուլա Ալ Համդանը, Մալկոմը մեկական գոլ խփեցին, իսկ Ֆայսալ Ալ Աբդուլվահեդը գրավեց սեփական դարպասը։

Նշենք, որ «Ալ Հիլալը» կրկնել է ակումբի պատմության մեջ ամենախոշոր հաշվով հաղթանակը։ Նախկինում ակումբը նման հաշվով 2019 թ. հունվարի 5-ին հաղթել էր «Ալ Դերային» և 2023 թ. նոյեմբերի 25-ին` «Ալ Հազմին»։

Այդ հաղթանակից հետո Էր Ռիյադը ներկայացնող ակումբը միավորների քանակը հասցրել է 40-ի և գլխավորում է Պրո լիգայի մրցաշարային աղյուսակը։ «Ալ Ֆաթեհն» ունի միայն 6 միավոր և վերջին` 18-րդ տեղում է։

Հիշեցնենք, 2023 թ. հուլիսից 2024 թ. հունվար հանդես էր գալիս Հայաստանի ազգային հավաքականի կիսապաշտպան Լուկաս Սելարայանը` 43 խաղում խփելով 9 գոլ, կատարելով 11 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից