«Ման. Սիթին» ու «Չելսին» դրամատիկ ոչ-ոքի են գրանցել 🎥

Անգլիական Պրեկիեր լիգայի 21-րդ տուրում «Մանչեսթեր Սիթին» Լոնդոնում հյուրընկալվելիս մրցեց «Բրենթֆորդի» դեմ։

Գործող չեմպիոնը մինչև 82-րդ րոպեն Ֆիլ Ֆոդենի դուբլի շնորհիվ հաղթում էր 2:0 հաշվով, սակայն տանտերերը կարողացան փրկել խաղը։

«Մեղուներից» 82-րդ ու 90+2-րդ րոպեներին աչքի ընկան համապատասխանաբար Յոհան Վիսան ու Քրիստիան Նյորգորը։

Այպիսով, հանդիպումն ավարտվեց 2:2 հաշվով. «Սիթին» 35 միավորով 6-րդ տեղում է, «Բրենթֆորդը» 28 միավորով` 10-րդ։

«Չելսին» նույնպես դրամատիկ ոչ-ոքի է գրանցել և «Սթեմֆորդ Բրիջ» ստադիոնում «Բորնմութի» դեմ հանդիպումն ավարտել նույն` 2:2 հաշվով։

«Ազնավակնները» 13-րդ րոպեին առաջ անցան հաշվի մեջ. աչքի ընկավ թիմի առաջատար Քոուլ Փալմերը։ Երկրորդ խաղակեսում 50-րդ րոպեին Ջասթին Կլույվերտը դիպուկ գտնվեց 11-մետրանողից, իսկ Անտուան Սեմենյոն 68-րդ րոպեին հաղթանակի նժարը թեքեց «Բորնմութի» կողմը։

Անդոնի Իռաոլանի գլխավորած թիմը թվում էր, թե կպահի հաղթական հաշիվը, սակայն 90+5-րդ րոպեին լոնդոնյան գրանդի ավագ Ռիս Ջեյմսը ոչ-ոքի կորզեց «Չելսիի» համար։

Էնցո Մարեսկայի գլխավորած թիմը Պրեմիեր լիգայում արդեն 5 խաղ է չի կարողանում հաղթել։

«Չելսին» 37 միավոր ունի և 4-րդ տեղում է, «Բորնմութը» 34 միավորով 7-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից