Փարիզ-2024. Հայկական դիմակայություն բրոնզե մեդալի համար գոտեմարտում

33-րդ ամառային Օլիմպիական խաղերի օգոստոսի 7-ի մրցումայի օրը հունահռոմեական ոճի ըմբշամարտի Հայաստանի հավաքականի անդամ Մալխաս Ամոյանը (77 կգ) գոտեմարտելու է բրոնզե մեդալի համար։

Եվրոպայի եռակի չեմպիոն, աշխարհի առաջնության ոսկե մեդալակիր Ամոյանը բրոնզե եզրափակիչում մրցելու է մեկ այլ հայ ըկբիշ, Ուզբեկստանը ներկայացնող Արամ Վարդանյանի հետ։

28-ամյա Վարդանյանը աշխարհի առաջնության արծաթե մեդալակիր է, Ասիական խաղերի կրկնակի բրոնզե մեդալակիր։

Ամոյանը պայքարն սկսել էր օգոստոսի 6-ին։ Երկու հաղթանակ տանելուց հետո 25-ամյա ըմբիշը դուրս էր եկել կիսաեզրափակիչ, սակայն 1:3 հաշվով պարտվեց ճապոնացի Նոա Կուսակային։

Ամոյան – Վարդանյան գոտեմարտը կայանալու է երեկոյան մրցահերթում, որը մեկնարկելու է Երևանի ժամանակով 20:30-ին։ Այն, ըստ հերթականության, լինելու է 7-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am