Վինիսիուսն առաջնորդում է Ռեալին! Արքայական ակումբը կամային հաղթանակ տարավ Էսպանյոլի նկատմամբ🎥

Իսպանական Լա լիգայի 6-րդ տուրում Մադրիդի «Ռեալը» սեփական մարզադաշտում մրցեց «Էսպանյոլի» դեմ։

«Արքայական» ակումբը հանդիպման ամբողջ ընթացքում ուներ տոտալ առավելություն և 4:1 հաշվով կամային հաղթանակ տարավ։

Հյուրերը 54-րդ րոպեին Տիբո Կուրտուայի ինքնագոլի շնորհիվ բավական անսպասելի առաջ անցան հաշվի մեջ, սակայն Կառլո Անչելոտիի գլխավորած թիմը կարողացավ բեկել հանդկպման ընթացքը։

Արդեն 58-րդ րոպեին հաշիվը հավասարեցրեց Դանի Կարվախալը, 75-րդ րոպեին փոխարինման մտած Վինիսիուսը տպավորիչ գոլային փոխանցում կատարեց Ռոդրիգոյին։ 78-րդ րոպեին աչքի ընկավ անձամբ Վինիսիուսը, իսկ հանդիպման վերջակետը 88-րդ րոպեին դրեց Կիլիան Մբապեն։

Այսպիսով, «Ռեալը» 14 միավորով երկրորդ տեղում է, «Էսպանյոլը» 7 միավորով 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից