Սևիկյանը մեկնել է Հունգարիա` բուժզննում անցնելու

Ինչպես արդեն տեղեկացրել ենք, «Պարի ՆՆ»-ի կիսապաշտպան Էդգար Սևիկյանը կարիերան շարունակելու է հունգարական «Ֆերենցվարոշի» կազմում։

Ինսայդեր Իվան Կարպովը հայտնում է, որ 22-ամյա ֆուտբոլիստն այսօր` հունվարի 15-ին, մեկնել է Հունգարիա` բուժզննում անցնելու «Ֆերենցվարոշի» համար։

Աղբյուրի փոխանցմամբ` «Պարի ՆՆ»-ը գործարքի դիմաց նախատեսվածից 100 հազար եվրո ավելի շատ գումար կվաստակի։

Գործարքի դիմաց «Ֆերենցվարոշը» կվճարի 1,2 մլն եվրո։

Բացի այդ, Սևիկյանի հաջորդ վաճառքից Նիժնի Նովգորոդը ներկայացնող ակումբը կունենա 7% մասնաբաժին։

Նշվում է, որ «Ֆերենցվարոշը» համաձայնել է «Պարի ՆՆ»-ի վերոնշյալ պահանջներին, քանի որ ցանկանում է հայազգի ֆուտբոլիստի գործարքն ավարտին հասցնել հնարավորինս շուտ։

Հավելենք, որ Սևիկյանն ընթացիկ մրցաշրջանում բոլոր մրցաշարերի շրջանակում անցկացրել է 24 հանդիպում` դառնալով 7 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am