Սուպերլիգայի ղեկավարները մրցաշարի անցկացման նոր ձևաչափ են մշակել

Սուպերլիգայի ղեկավարները մրցաշարի անցկացման նոր ձևաչափ են մշակել

21/10/2021 - 15:55

Եվրոպական ֆուտբոլային Սուպերլիգան, որի ստեղծման մասին հայտարարվեց սույն թվականի ապրիլին, իր հիմադրման պահից ընդամեը 2 օր անց դադարեց գոյություն ունենալ` կապված նաև մրցաշարի անցկացման ձևաչափի հետ, քանի որ այն իր մեջ չէր ներառում որևէ մարզական սկզբունք։

Մրցաշարը չէր ենթադրում գլխավոր լիգայից նահանջ դեպի երկրորդ դիվիզիոն և հակառակը։ Այսինքն, մրցաշարի մասնակիցները գլխավոր լիգայում մշտական տեղ էին ունենալու։

Այդ ամենից ելնելով` Սուպերլիգայի ղեկավարները փոփոխությունների են ենթարկել մրցաշարի անցկացման ձևաչափը։

Wirtschaftswoche պարբերականին հաջողվել է մանրամասներ պարզել Սուպերլիգայի անցկացման նոր ձևաչափից։

Աղբյուրի փոխանցմամբ` այժմ մրցաշարը չի ունենալու մշտական անդամներ և բաց է լինելու բոլոր եվրոպական ակումբների համար։

Բացի դրանից, մրցաշարը բաղկացած է լինելու երկու լիգայից` բարձրագույն դիվիզիոն և երկրորդ դիվիզիոն, որոնցից յուրաքանչյուրը բաղկացած են լինելու 20-ական ակումբներից։

Հիշեցնենք, որ Սուպերլիգան ստեղծման պահին ուներ 12 հիմնադիր-ակումբ, սակայն նրա կազմում այժմ մնացել են միայն «Բարսելոնան», «Ռեալ Մադրիդը» և «Յուվենտուսը»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023