«Սան-Սիրոյի» մոտակայքում հայտնվել է Լուկակուի և Զլատանի հայտնի բախման Street art-ը 📸

Հունվարի 26-ին Իտալիայի գավաթի քառորդ եզրափակչի շրջանակում միլանյան դերբիի շրջանակում միմյանց դեմ մրցեցին «Ինտերն» ու «Միլանը», որն ավարտվեց «ներաձուրիների»՝ 2։1 հաշվով հաղթանակով։

Հանդիպումն, ընդհանուր առմամբ, դրամատիկ ընթացք և ավարտ ունեցավ։

Նախ՝ առաջին խաղակեսի վերջնամասում թեժ բախում տեղի ունեցավ երկու գիգանտներ Զլատան Իբրահիմովիչի և Ռոմելու Լուկակուի միջև, ապա՝ խաղի 90+7-րդ րոպեին Քրիստան Էրիկսենը տուգանային հարվածի իրացումից հետո գեղեցիկ գոլի հեղինակ դարձավ և հաղթանակ պարգևեց «Ինտերին»։

Միլանում բնակվող «փողոցային» նկարիչներից մեկին այնքան է տպավորել Զլատանի և Լուկակուի բախումը, որ երկու ակումբների մարզադաշտի՝ «Սան-Սիրոյի» մոտակայքում գտնվող պատերից մեկի վրա նկարել է այդ դրվագի Street art-ը, որը հրապարակել է հանարահայտ «433» էջը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am