Ռոկեի գործակալ. «Վիտորն ավելի բարձր մակարդակի ֆուտբոլիստ է, քան Էնդրիկը»

Վիտոր Ռոկեի գործակալ Անդրե Կյուրին կարծում է, որ իր հաճախորդն ավելի ուժեղ ֆուտբոլիստ է, քան «Պալմեյրասի» հարձակվող Էնդրիկը։

«Նրանք Բրազիլիայի հավաքականում ընկերներ են և թիմակիցներ։ Ակնհայտ է, որ Իսպանիայում նրանց միջև մրցակցություն է սկսվելու։

Ես կարող եմ խոսել միայն Վիտորի մասին և հավատում եմ, որ ներկա պահին նա այն ֆուտբոլիստն է, ով պատրաստ է խաղալ Բրազիլիայի հավաքականում և ունենալ առանցքային դերակատարում։

Հուսով եմ նաև, որ Էնդրիկը լավ հանդես կգա «Ռեալ Մադրիդի» կազմում։

Եթե ինձ հարցնեք, թե որ ակումբն է ավելի լավ տրանսֆեր իրականացրել` «Բարսլենոնա՞ն», թե՞` «Ռեալը», ապա ամեն ինչ շատ ակնհայտ է։ Ես արդեն ասել եմ և կրկնում եմ. Վիտորն ավելի բարձր մակարդակի ֆուտբոլիստ է, քան Էնդրիկը»,- Կյուրիի խոսքերը մեջբերում է Diario Sport-ը։

Հիշեցնենք, որ 2024 թ. ամռանը Վիտոր Ռոկեն «Ատլետիկո Պարանենսեից» տեղափոխվելու է «Բարսելոնա», իսկ Էնդրիկը «Պալմեյրասից»` «Ռեալ Մադրիդ»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am