Ռեալն աչք է դրել Լեսթերի թուրք պաշտպանի վրա

Ռեալն աչք է դրել Լեսթերի թուրք պաշտպանի վրա

27/09/2021 - 12:08

2022 թ. հունվարին բացվող ձմեռային տրանսֆերային պատուհանի ընթացքում «Ռեալ Մադրիդը» մտադիր է ամրապնդել պաշտպանության կենտրոնը։

Ինչպես տեղեկացնում է Defensa Central-ը, «արքայական» ակումբն այդ դիրքի համար մտադիր է ձեռք բերել «Լեսթերի» պաշտպան Չագլար Սոյունչուին։

«Սերուցքայինները» պատրաստ են տրանսֆերային պատուհանի բացվելուն պես բանակցություններ սկսել «աղվեսների» հետ։

Ամեն դեպքում, «Լեսթերը» մտադիր չէ հեշտությամբ բաժանվել թուրք ֆուտբոլիստից և 45 մլն եվրոյից ցածր գնով չի վաճառի նրան։

Հավելենք, որ Սոյունչուի և «Լեսթերի» միջև պայմանագիրն ավարտվում է 2023 թ. հունիսի 30-ին։

25-ամյա պաշտպանը «Լեսթերի» գույները պաշտպանում է 2018 թ. օգոստոսից և մինչ այժմ ակումբի կազմում անցկացրել է 91 հանդիպում` դառնալով 2 գոլի և 1 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023