Կապելո․ «ՊՍԺ-ն քառորդ եզրափակիչ դուրս եկավ Նավասի շնորհիվ»

Չեմպիոնների լիգայի 1/8 եզրափակչի պատասխանում խաղում ՊՍԺ-ն ու «Բարսելոնան» չպարզեիցն հաղթողին․ գրանցվեց 1։1 արդյունքը, սակայն պայքարը շարունակեց փարիզյան ակումբը, քանի որ դիմակայության առաջին խաղում հյուրընկալվելիս հաղթել էր 4։1 հաշվով։

Խաղից հետո իր տպավորություններով է կիսվել իտալացի հանրահայտ նախկին մարզիչ Ֆաբիո Կապելոն․

««Բարսան» անհավանական ֆուտբոլ էր խաղում։ Ես անգամ չէի կարող նման բան պատկերացնել, սակայն հիասթափված եմ ՊՍԺ-ի խաղով, եթե հաշվի առնենք առաջին խաղը։

Նրանք քառորդ եզրափակիչ դուրս եկան Կեյլոր Նավասի շնորհիվ,- ասել է իտալացի մասնագետը Sky Italia-ի եթերում, որին էլ հղում է անում GuillaumePM-ի թվիթերյան էջը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am