Պաշտոնական. Հովհաննես Հարությունյանը վերադարձել է «Սոչի»

Հայաստանի հավաքականի կիսապաշտպան Հովհաննես Հարությունյանը վերադարձել է «Սոչի», հայտնում է ակումբի մամուլի ծառայությունը։

26-ամյա ֆուտբոլիստը 2024 թ. հունվարին է 160 հազար եվրոյով «Փյունիկից» տեղափոխվել «Սոչի», սակայն մեկ ամիս անց վարձավճարով վերադարձել է հայկական ակումբ։

Հարությունյանը 2024/25 մրցաշրջանն էլ վարձավճարով անցկացրել է «Արարատ-Արմենիայում», 30 խաղում խփել 3 գոլ, կատարել 6 ասիստ։

Կիսապաշտպանը դեռ պաշտոնական ոչ մի հանդիպման չի մասնակցել «Սոչիում»։ Ակումբը 2025/26 մրցաշրջանում հանդես կգա Ռուսաստանի Պրեմիեր լիգայում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից