Պաշտոնական. Դոնարուման տեղափոխվեց ՊՍԺ

Պաշտոնական. Դոնարուման տեղափոխվեց ՊՍԺ

14/07/2021 - 22:14

Ինչպես տեղեկացնում է ՊՍԺ-ի պաշտոնական կայքը, ակումբը պայմանագիր է կնքել «Միլանի» դարպասապահ Ջանլուիջի Դոնարումայի հետ։

Կողմերի միջև պայմանագիրը կնքվել է 5 տարով, որը նախատեսված է մինչև 2026 թ. հունիսի 30-ը, իսկ 22-ամյա դարպասապահը նոր ակումբի շարքերը համալրել է անվճար, քանի որ դարձել էր ազատ գործակալ։

Ավելի վաղ հայտնի էր դարձել, որ Դոնարուման փարիզյան ակումբի կազմում վաստակելու է տարեկան 12 մլն եվրո աշխատավարձ։

Իտալացի դարպասապահը «Միլանի» սան է, որի գլխավոր թիմի կազմում հանդես էր գալիս 2015 թվականից և մինչ այժմ ակումբի մարզաշապիկով անցկացրել է 251 հանդիպում` 88 անգամ դարպասը պահելով անառիկ։

Հիշեցնենք, որ Ջանլուիջի Դոնարուման վերջերս ավարտված Եվրո-2020 շրջանակում Իտալիայի հավաքականի կազմում դարձավ չեմպիոն, իսկ ինքը ճանաչվեց մրցաշարի լավագույն ֆուտբոլիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023