Ռոնալդուն պաշտոնական խաղերում խփած գոլերի քանակով շրջանցել է Պելեին

Ռոնալդուն պաշտոնական խաղերում խփած գոլերի քանակով շրջանցել է Պելեին

15/03/2021 - 12:09

Իտալական Ա սերիայի 27-րդ տուրի շրջանակում «Յուվենտուսը» հյուրընակվելիս 3։1 հաշվով առավելության հասավ «Կալյարիի» նկատմամբ։

Հանդիպման հերոս դարձավ Կրիշտիանու Ռոնալդուն, ով խփեց թուրինյան ակումբի բոլոր գոլերը՝ դառնալով հեթ-տրիկի հեղինակ։ Հատկանշական է, որ Կրիշն իր բոլոր գոլերը խփեց առաջին խաղակեսում։

Պորտուգալացի ֆուտբոլստն իր ողջ կարիերայում խփած գոլերի քանակը հասցրեց 770-ի, որոնցից 668-ը խփել է ակումբային մակարդակով, իսկ 102-ը՝ Պորտուգալիայի հավաքականի կազմում։

Ինչպես տեղեկացնում են մի շարք հեղինակավոր աղբյուրներ, 36-ամյա ֆուտբոլիստը պաշտոնական հանդիպումներում խփած գոլերի քանակով շրջանցել է Պելեի ցուցանիշը, ում ակտիվում կա 767 գնդակ։

Համաշախարհային ֆուտբոլի պատմության շրջանակում այժմ Ռոնալդուից առաջ են միայն Յոզեֆ Բիցանը (805 գոլ) և Ռոմարիոն (772 գոլ)։

Ինչ վերաբերում է գործող ֆուտբոլիստներին, ապա Ռոնալդուից հետո ամենաշատ գնդակը գրանցվել է Լեո Մեսսիի անվան դիմաց, ով խփել է 730 գոլ։ Տվյալ պահին Մեսսին մոտ է գերազանցելուն Գերդ Մյուլլերի (738 գոլ) և Ֆերենց Պուշկաշի (746 գոլ) ցուցանիշները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023