Յունայթեդի ղեկավարությունը որոշում է կայացրել Սուլշերի ապագայի հարցում

Անգլիական Պրեմիեր լիգայի 12-րդ տուրի շրջանակում «Մանչեսթեր Յունայթեդը» հերթական ձախողված հանդիպումն անցկացրեց` հյուրընկալվելիս 1:4 հաշվով զիջելով «Վոթֆորդին»։

Այդ հանդիպումից հետո «կարմիր սատանաների» ղեկավարությունը որոշում է կայացրել ակումբի գլխավոր մարզիչ Օլե-Գունար Սուլշերի ապագայի հարցում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, ղեկավարներն ավելի քան 5 ժամ քննարկումներից հետո որոշել են նորվոգացի մասնագետին հեռացնել պաշտոնից։

Նշվում է, որ երբ մանկունյական ակումբի սեփականատեր Ջոել Գլեյզերն արդեն հաստատել է այդ որոշումը և շուտով պաշտոնապես կհայտարարվի Սուլշերի հեռացման մասին։

Ռոմանոն գրում է նաև, որ «Յունայթեդի» տեխնիկական տնօրեն Դարեն Ֆլետչերն ու Սուլշերի օգնական Մայքլ Կարիկը պատրաստ են ժամանակավորապես գլխավորեն ակումբը, մինչև ղեկավարությունը մշտական փոխարինող կգնի Սուլշերի համար։

Հիշեցնենք, որ Սուլշերը «Մանչեսթեր Յունայթեդը» գլխավորում է 2018 թ. դեկտեմբերից։ Մինչ այս պահն ակումբը նրա գլխավորությամբ անցկացրել է 168 հանդիպում, տոնել է 92 հաղթանակ, 35 հանդիպում ավարտել ոչ-ոքի և կրել 41 պարտություն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am