Արտետա․ «Բարսայի ընտրություններում միշտ էլ կլինեն շահարկումներ․ ես երջանիկ եմ Արսենալում»

«Արսենալի» գլխավոր մարզիչ Միկել Արտետան մեկնաբանել է այն լուրերը, համաձայն որոնց՝ ինքը համարվում է կատալոնական ակումբը գլխավորելու հավանական թեկնածուներից մեկը․

««Բարսայի» նախագահական ընտրություններում միշտ էլ կլինեն շահարկումներ։ Այն մեծագույն ակումբ է։ Ես այնտեղ դարձա ֆուտնոլիստ, և մեզ միշտ էլ փորձելու են կապել միմյանց հետ։

Ես լիովին կենտրոնացած եմ այն աշխատանքի վրա, որը պետք է կատարեմ «Արսենալում», իսկ աշխատանքներ այստեղ շատ կան, ինչն ինձ դուր է գալիս։ Մարզել այս ակումբն ինձ համար մեծագույն պատիվ է․ ես երջանիկ եմ «Արսենալում»։

Այսօր ես «Արսենալի» մարզիչն եմ և վաղը նույնպես կլինեմ, ինչն ինձ անչափ դուր է գալիս, և ես ցանկանում եմ այս ակումբի հետ հասնել մեծ բարձունքների»,- իսպանացի մասնագետի խոսքերն է մեջբերում Sky Sports-ը։

Հիշեցնենք, որ ավելի վաղ «Բարսելոնայի» նախագահի թեկնածու Ժոան Լապորտան հայտարարել էր, թե ընտրություններում հաղթելու դեպքում ակումբի գլխավոր մարզչի պաշտոնում կնշանակի Միկել Արտետային։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am