Միլանը վրացի հարձակվողին ձեռք բերելու համար  առաջարկ է կատարել ֆրանսիական ակումբին

Միլանը վրացի հարձակվողին ձեռք բերելու համար առաջարկ է կատարել ֆրանսիական ակումբին

26/05/2023 - 13:18

«Միլանը» ցանակնում է ձեռք բերել ֆրանսիական «Մեցի» վրացի հարձակվող Ժորժ Միկաուտաձեին։

Ինչպես տեղեկացնում է Footmercato-ն, «ռոսոներիներն» արդեն տրանսֆերային առաջարկ են կատարել 22-ամյա ֆուտբոլիստին ձեռք բերելու համար, որի դիմաց պատրաստ են վճարել 10 մլն եվրո։

Աղբյուրի փոխանցմամբ` «ռոսոներիները» գործարքի հարցում բավական հաջող բանակցություններ են վարում «Մեցի» ղեկավարության հետ։

Հաղորդվում է, որ միլանյան ակումբի տեխնիկական տնօրեն Պաոլո Մալդինի բազմիցս հեռախոսազրույց է ունեցել Միկաուտաձեի հետ, ով նույնպես պատրաստ է համալրել «Միլանի» շարքերը։

Նշենք, որ «Մեցը» հանդես է գալիս Ֆրանսիայի նշանակությամբ երկրորդ դիվիզիոնում` Լիգա 2-ում, և եթե ակումը նվաճի Լիգա 1-ի ուղեգիր, մեծ է հավանականությունը, որ «Միլանը» վարձավճարով Միկաուտաձեին կթողնի «նռնագույնների» կազմում։

Առաջնության ավարտից 2 տուր առաջ «Մեցն» իր ակտիվում ունի 66 միավոր և զբաղեցնում է 3-րդ հորիզոնականը և Լիգա 1-ի ուղեգիր տվող 2-րդ հորիզոնականը զբաղեցնող «Բորդոյին» զիջում է 3 միավորով։

Հավելենք, որ Ժորժ Միկաուտաձեն Լիգա 2-ի ընթացիկ խաղարկությունում անցկացրած 35 խաղում խփել է 23 գոլ և կատարել 8 գոլային փոխանցում։ Վրացի հարձակվողն առաջնության լավագույն ռմբարկուն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023