Մեսսի նորամուտը կրկին հետաձգվում է

ՊՍԺ-ն Twitter-ի իր միկրոբլոգում հրապարակել է այն ֆուտբոլիստների ցանկը, ովքեր հայտավորված են լինելու Լիգա 1-ի 3-րդ տուրի շրջանակում «Բրեստի» դեմ կայանալիք արտագնա հանդիպմանը։

Հայատացուցակից կրկին բացակայում է փարիզյան ակումբի նորեկ Լեո Մեսսին, ով օգոստոսի 10-ին է ազատ գործակալի կարգավիճակով համալրել «Փարիզի» շաքերը։

Արգենտինացի հարձակվողը դեռ բավարար մարզավիճակ չի հավաքել, որպեսզի կարողանա մասնակցել հանդիպումներին։

Մեսսին բաց էր թողել նաև 2-րդ տուրի ՊՍԺ 4:2 «Ստրասբուրգ» հանդիպումը։

Հայտացուցակից բացակայում է նաև ևս մեկ նորեկ Սերխիո Ռամոսը, ով շարունակում է ապաքինվել վնասվածքից։ Իսպանացի պաշտպանի վերադարձը սպասվում է հավաքականների` սեպտեմբերին կայանալիք խաղերից հետո։

Հավելենք, որ առաջին անգամ ՊՍԺ-ի հայատացուցակում է հայտնվել Ջանլուիջի Դոնարուման։

Իրենց թիմին ընթացիկ մրցաշրջանում առաջին անգամ կօգնեն նաև Մարկինիոսը, Մարկո Վերատին և Անխել Դի Մարիան, ովքեր, հավաքականների խաղերով պայմանավորված, ստացել էին հավելյալ հանգիստ։

Հավելենք, որ «Բրեստ» – ՊՍԺ հանդիպումը կկայանա օգոստոսի 20-ին` Երևանի ժամանակով 23:00-ից սկսած։

Փարիզյան ակումբի վերջնական հայտացուցակն ունի հետևյալ տեսքը.

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am