Ման. Սիթին հիասքանչ խաղով ջախջախեց Ռեալին` դուրս գալով ՉԼ եզրափակիչ🎥

Չեմպիոնների լիգայի կիսաեզրափակիչի պատասխան խաղում «Մանչեսթեր Սիթին» սեփական հարկի տակ մրցեց «Ռեալ Մադրիդի» դեմ։

Հիշեցնենք, որ դիմակայության առաջին խաղում գրանցվել էր 1:1 հաշիվը։

Պատասխան խաղում «քաղաքաբնակները» գրեթե ողջ հանդիպման ընթացքում ունեին խաղային լուրջ առավելություն և «արքայական» ակումբին ջախջախեցին 4:0 հաշվով։

Պեպ Գվարդիոլայի թիմի կազմից դուբլի հեղինակ դարձավ Բերնարդու Սիլվան, մեկ անգամ էլ աչքի ընկավ Խուլիան Ալվարեսը, իսկ Էդեր Միլիտաոն գրավեց սեփական դարպասը։

Այսպիսով, «Մանչեսթեր Սիթին» ընդհանուր դիմակայությունում հաղթեց 5:1 հաշվով` դուրս գալով Չեմպիոնների լիգայի եզրափակիչ, որի շրջանակում հունիսի 10-ին կմրցի «Ինտերի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am