Հայտնի է դարձել Գերմանիա – Հայաստան հանդիպման անցկացման վայրը

Ինչպես տեղեկացնում է Հայաստանի ֆուտբոլի ֆեդերացիայի պաշտոնական կայքը, հայտնի է դարձել 2022 թ. Քաթարում կայանալիք աշխարհի առաջնության որակավորման փուլի 5-րդ տուրի Գերմանիա – Հայաստան հանդիպման անցկացման վայրը։

Աղբյուրի փոխանցմամբ` խաղը կայանալու է Շտուտգարտի «Մերսեդես Բենց Արենա» մարզադաշտում։ Այդ տեղեկությունը հաստատել է նաև Գերմանիայի ֆուտբոլային միության պաշտոնական կայքը։

Հիշեցնենք, որ ԱԱ որակավորման փուլի J խմբի շրջանակում Հայաստանի հավաքականը հաղթել է մեկնարկային 3 խաղերում էլ և 9 միավորով գլխավորում է մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am