Լացիոն խոշոր անակնկալ մատուցեց` հյուրընկալվելիս հաղթելով Նապոլիին🎥

Մեկնարկեց իտալական Ա սերիայի 25-րդ տուրը, որի մեկնարկային խաղում առաջնության առաջատար «Նապոլին» սեփական հարկի տակ մրցեց «Լացիոյի» դեմ։

Առաջ ընկնելով` նշենք, որ բավական անակնկալ գրանցվեց, քանի որ «արծիվները» հաղթեցին 1:0 հաշվով։

Հռոմեական ակումբին հաղթանակ պարգևեց 67-րդ րոպեին Մաթիաս Վեսինոյի խփած գոլը։

Հավելենք, որ «Նապոլին» Ա Սերիայի ընթացիկ մրցաշրջանում «Դիգեո Արմանդո Մարադոնա» մարզադաշտում կրեց առաջին պարտությունը։

Լուչիանո Սպալետիի թիմը մինչ այս սեփական հարկի տակ ընթացիկ խաղարկությունում կորցրել էր ընդամենը 2 միավոր` հաղթելով նախորդ 11 խաղերից 10-ը։

Այս հաղթանակից հետո «Լացիոն» վաստակեց 48 միավոր` բարձրանալով 2-րդ հորիզոնական։

«Նապոլին», 65 միավորով, գլխավորում է մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am