Լարված ֆուտբոլ Մոնտեվիդեոյում. Ուրուգվայը հաղթեց Բրազիլիային 🎥

ԱԱ-2026-ի Հարավային Ամերիկայի գոտու որակավորման փուլի 4-րդ տուրում Ուրուգվայի հավաքականը Մոնտեվիդեոյի «Սենտեներիո» մարզադաշտում մրցեց Բրազիլիայի դեմ։

Առաջ ընկնելով` նշենք, որ հանդիպումն անցավ անչափ լարված և համառ պայքարում, որն ավարտվեց ուրուգվայցիների հաղթանակով` 2:0 հաշվով։

Մարսելո Բիելսայի թիմին հաղթանակ հաղթանակ պարգևեցին Դարվին Նունյեսի և Նիկոլաս դե լա Կրուզի խփած գոլերը։

Ավելացնենք նաև, որ հանդիպում անցել է բավական կոպիտ պայքարում։ Կողմերը միասին վերցրած կատարել են 37 խախտում` ստանալով ընդհանուր 8 դեղին քարտ։

Այդ կոպիտ խախտումներից մեկի պատճառով էլ ծանր վնասվածք ստացավ «պենտակամպիոնների» առաջատար Նեյմարը, ով 45+4-րդ րոպեին դաշտում տեղը զիջեց Ռիշարլիսոնին։

Որակավորման փուլի Հարավային Ամերիկայի գոտում կայացել է ևս 4 հանդիպում.

Վենեսուելա 3:0 Չիլի

Պարագվայ 1:0 Բոլիվիա

Էկվադոր 0:0 Կոլումբիա

Պերու 0:2 Արգենտինա

Այս գոտու մրցաշարային աղյուսակը 4-րդ տուրից հետո ունի հետևյալ տեսքը.

1. Արգենտինա – 12 միավոր
2. Ուրուգվայ – 7
3. Բրազիլիա – 7
4. Վենեսուելա – 7
5. Կոլումբիա – 6
6. Էկվադոր – 4
7. Պարագվայ – 4
8. Չիլի – 4
9. Պերու – 1
10. Բոլիվիա – 0

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am