Իտալիայի գավաթ. Յուվենտուսը ջախջախեց Սամպդորիային` դուրս գալով 1/4 եզրափակիչ🎥

Իտալիայի գավաթի 1/8 եզրափակիչի շրջանակում «Յուվենտուսը» «Ալիանց» մարզադաշտում մրցեց «Սամպդորիայի» դեմ։

Թուրինյան ակումբը հանդիպման ողջ ընթացքում ուներ տարածքային ու խաղային լուրջ առավելություն, ինչն էլ նպաստեց, որ Մասիմիլիանո Ալեգրիի սաները մրցակցին ջախջախեցին 4:1 հաշվով։

«Բյանկոներիների» կազմից մեկական անգամ աչքի ընկան Խուան Կուադրադոն, Դանիելե Ռուգանին, Պաուլո Դիբալան ու Ալվարո Մորատան, իսկ «Սամպդորիայի» գոլն իր անվան դիմաց գրանցեց Անդրեա Կոնտին։

Այսպիսով, «Յուվենտուսը» պայքարը կշարունակի Իտալիայի գավաթի 1/4 եզրափակիչում և մրցաշարի այդ փուլում կմրցի «Սասուոլո» – «Կալյարի» դիմակայության հաղթողի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am