Իտալական կրքեր Հռոմում. «Ռոման» դերբիում հաղթեց «Լացիոյին» 🎥

Իտալական Ա սերիայի 19-րդ տուրում կայացավ հռոմեական հերթական դերբին. «Օլիմպիկո» մարզադաշտում միմյանց դեմ մրցեցին «Ռոման» ու «Լացիոն»։

«Ջալոռոսիները» բավական արագ երկու գնդակի առավելություն ստացան. 10-րդ ու 18-րդ րոպեներին աչքի ընկան համապատասխանաբար Լորենցո Պելեգրինին ու Ալեքսիս Սալեմակերսը։

«Լացիոն», հատկապես երկրորդ խաղակեսում, ուներ խաղային լուրջ առավելություն, ստեղծեց մի շարք իրական գոլային պահեր, սակայն փրկել հանդիպումը չհաջողվեց։

Նոմինալ տանտեր «Ռոմայի» սերբ դարպասապահ Միլե Սվիլարը հանդիպման հերոսներից էր, որը 6 սեյվ կատարեց։

Կլաուդիո Ռանիերիի գլխավորած թիմը հաղթեց 2:0 հաշվով և 23 միավորով բարձրացավ 10-րդ տեղ։ «Բիանկոչելեստեն» 35 միավորով 4-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից