Ըմբշամարտի ԵԱ. Մալխաս Ամոյան դարձավ չեմպիոն

Խորվաթիայի մայրաքաղաք Զագրեբում շարունակվում է ըմբշամարտի Եվրոպայի առաջնությունը։

Ապրիլի 21-ին պայքարի մեջ մտան 77 կգ քաշային կարգի հունահռոմեական ոճի ըմբիշները, որի շրջանակում Հայաստանը ներկայացնում է Մալխաս Ամոյանը։

23-ամյա ըմբիշը, հաղթելով բոլոր մրցակիցներին, դուրս եկավ եզրափակիչ։

Ապրիլի 22-ին Ամոյանը եզրափակիչում գոտեմարտեց Սերբիան ներկայացնող Վիկտոր Նեմեշի հետ` հաղթելով 6:4 հաշվով։

Այսպիսով, Մալխաս Ամոյանը դարձավ Եվրոպայի առաջնության չեմպիոն։