Սիթիի պաշտպանը փոխել է ֆուտբոլային քաղաքացիությունը

«Մանչեսթեր Սիթիի» կենտրոնական պաշտպան Էմերիկ Լապորտը ստացել է Իսպանիայի քաղաքացիություն և այսուհետ կկարողանա հանդես գալ այդ երկրի հավաքականի կազմում։

Ինչպես տեղեկացնում է Marca-ն, ֆուտբոլիստի քաղաքացիության հարցը հաստատվել է Իսպանիայի նախարարների խորհրդի կողմից, իսկ Իսպանիայի արդարադատության նախարարության կայքում հրապարակվել է Լապորտին քաղաքացիություն շնորհելու որոշումը։

Այս որոշումների հաստատումից հետո ՖԻՖԱ-ն նույնպես թուլյատրել է Լապորտին փոխել ֆուտբոլային քաղաքացիությունը

Նշվում է, որ Իսպանիայի հավաքականի գլխավոր մարզիչ Լուիս Էնրիկեն անձամբ է խնդրել երկրի ֆուտբոլի ֆեդերացիային, որպեսզի զբաղվեն Լապորտին քաղաքացիություն տալու հարցով։

Հավելենք, որ Էմերիկ Լապորտը ծնունդով ֆրասիական Աժեն քաղաքից է, սակայն ունի բասկյան արմատներ։ Լապորտը 2012-2018 թթ․ հանդես է եկել հենց Բիլբաոյի «Ատլետիկի» կազմում, ինչից հետո 2018 թ․ հունվարին 65 մլն եվրոյի դիմաց համալրել է «Մանչեսթեր Սիթիի» շարքերը։

Լապորտը երբեք չի հրավիրվել Ֆրանսիայի գլխավոր հավաքական, սակայն 53 հանդիպում ունի անցկացրած «եռագույնների» տարբեր տարիքային հավաքականներում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am