«Ես գոլեր եմ խփում, իսկ մյուսները` ոչ». Չալհանօղլուն իրեն համարում է լավագույն փլեյմեյքերը
«Ինտերի» և Թուրքիայի հավաքականի կիսապաշտպան Հական Չալհանօղլուն իրեն համարել աշխարհի լավագույն փլեյմեյքերը։
– Ամիսներ առաջ ասում էի, որ լավագույն փլեյմեյքերների շարքում եմ, սակայն ոչ-ոք ինձ չհավատաց, սակայն ես միշտ հավատում եմ իմ ուժերին, գիտեմ իմ որակներն ու ոչ ոքից չեմ վախենում։
– Այժմ կնշեմ հինգ փլեյմեյքեր, ներառյալ նաև ձեզ, պետք է նրանց դասակարգեք։ Ո՞ր հորիզոնականում է Տոնի Կրոսը։
– Երրորդ հորիզոնական։
– Էնցո Ֆերնանդե՞ս։
– Հինգերորդ։
– Ռոդրի՞։
– Երկրորդ։
– Կիմի՞խ։
– Չորրորդ։
– Չալհանօղլո՞ւ։
– Առաջին։
– Ինչո՞ւ եք Ձեզ համարում լավագույն փլեյմեյքերը։
– Ես գոլեր եմ խփում, իսկ մյուսները` ոչ։ Եթե տեսել եք ես գոլի հեղինակ եմ դառնում ոչ թե մոտ տարածությունից, այլ 25-30 մետր հեռավորությունից կամ տուգանայինի իրացումից հետո։ Դա շատ բարդ է։
Մյուս բոլոր ֆուտբոլիստները հիանալի են կառավարում գնդակը, սակայն ես չեմ սիրում գնդակը փոխանցել 5 մետր հեռավորության վրա։ Ես միշտ առանցքային փոխանցում եմ փնտրում` այդ ընթացքում մեծացնելով գոլ խփելու հավանականությունը։ Աջ կամ ձախ փոխանցումը հարցի լուծում չէ։
30-ամյա ֆուտբոլիստի հարցազրույցը մեջբերում է FCInterNews-ը։
Հավելենք, որ Չալհանօղլուն 2023/24 մրցաշրջանում բոլոր մրցաշարերում 30 խաղում խփել է 11 գոլ և կատարել 3 գոլային փոխանցում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Էնցո Ֆերնանդես, Ինտեր, Հական Չալհանօղլու, Յոզուա-Կիմիխ, Ռոդրի, Տոնի-Կրոս