Պաշտոնական. Բորուսիան խոշոր տրանսֆեր իրականացրեց

Ինչպես տեղեկացնում է «Բորուսիա Դորտմունդի» պաշտոնական կայքը, ակումբը գնել է հոլանդական ՊՍՎ-ի հարձակվող Դոնիել Մալենին։

«Իշամեղուները» 22-ամյա ֆուտբոլիստի հետ պայմանագիրը կնքել են մինչև 2026 թ. հունիսի 30-ը, իսկ նրա տրանսֆերի դիմաց Էյնդովենը ներկակացնող ակումբին վճարել են 30 մլն եվրո։

Հատկանշական է, որ այս տրանսֆերը դարձել է դորտմունդյան ակումբի երրորդ ամենաթանկարժեք ձեռքբերումը։

Մինչ այս պահը «Բորուսիայի» իրականացրած ամենաթանկարժեք տրանսֆերները Ուսման Դեմբելեի և Մաթս Հումելսի գործարքներն են, որոնց դիմաց ակումբը «Ռենին» ու «Բավարիային» վճարել է համապատասխանաբար 35 ու 30.5 մլն եվրո։

Հավելենք, որ Դոնիել Մալենը ՊՍՎ-ում հանդես էր գալիս 2018 թվականից և ակումբի կազմում անցկացրել է 116 հանդիպում` դառնալով 55 գոլի և 24 գոլային փոխանցման հեղինակ։

Մալենը նաև Հոլանդիայի հավաքականի անդամ է, որի կազմում վերջերս մասնակցեց Եվրո-2020-ին` դաշտ դուրս գալով «նարնջագույնների» բոլոր 4 խաղերում։ Այդ ընթացքում նա կատարեց 2 գոլային փոխանցում։

Երիտասարդ հարձակվողն ընդհանուր առմամբ «նարնջագույնների» կազմում անցկացրած 13 խաղում դարձել է 2 գոլի և 3 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am