Պաշտոնական․ Բենզեման վերադարձավ Ֆրանսիայի հավաքական

Ֆրանսիայի ֆուտբոլի ֆեդերացի պաշտոնական կայքում հրապարակվել են այն 26 ֆուտբոլիստների անունները, ովքեր ընդգրկված են լինելու Եվրո-2020-ի հայտացուցակում։

Աղբյուրի փոխանցմամբ՝ «եռագույնների» գլխավոր մարզիչ Դիդիե Դեշամը գրեթե 6 տարվա դադարից հետո կրկին հավաքական է հրավիրել «Ռեալի» հարձակվող Կարիմ Բենզեմային։

Հիշեցնենք, որ 33-ամյա հարձակվողը հավաքական չէր հրավիրվում 2015 թ․ հոկտեմբերից ի վեր հավաքականում իր խաղընկեր Մաթյո Վալբուենայի հետ ունեցած սկանդալային միջադեպից հետո։ Բենզեման Վալբուենային սպառնացել էր, որ կհրապարակի նրա մասնակցությամբ սեռական բնույթի ինչ-որ տեսանյութ։

Հավելենք, որ մինչ այս պահը Բենզեման Ֆրանսիայի հավաքականի կազմում անցկացրել է 81 հանդիպում՝ դառնալով 27 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am