Բայերի 48-րդ անպարտելի հանդիպումը. Ալոնսոյի թիմը ջախջախիչ հաղթանակ տարավ🎥

Գերմանական Բունդեսլիգայի 32-րդ տուրում նորընծա չեմպիոն «Բայերը» հյուրընկալվելիս մրցեց Ֆրանկֆուրտի «Այնտրախտի» դեմ։

Խաբի Ալոնսոյի թիմը հերթական փայլուն հանդիպումն անցկացրեց` մրցակցին ջախջախելով 5:1 հաշվով։

«Դեղագործների» գոլերը խփեցին Գրանիտ Ջական, Պատրիկ Շիկը, Էզեկիել Պալասիոսը, Ժերեմի Ֆրիմպոնգն ու Վիկտոր Բոնիֆեյսը։

Տանտերերի կազմից աչքի ընկավ Յուգո Էկիտիկեն։

Նշենք, որ «Բայերը» 2023/24 մրցաշրջանում պաշտոնական խաղերում դեռ պարտություն չի կրել։ Ակումբն անընդմեջ անպարտելի հանդիպումների շարքը հասցրեց 48-ի։

Այս հաղթանակից հետո լևերկուզենյան ակումբը վաստակեց 84 միավոր և շարունակում է գլխավորել Բունդեսլիգայի մրցաշարային աղյուսակը։ «Այնտրախտը», 45 միավորով, 6-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am