Բայերը Ջակայի հիասքանչ գոլի շնորհիվ դարձավ Գերմանիայի գավաթակիր 🎥

Գերմանիայի գավաթի խաղարկության եզրափակիչում Լևերկուզենի «Բայերը» Բեռլինի «Օլիմպիաշտադիոն» մարզադաշտում մրցեց Երկրորդ Բունդեսլիգան ներկայացնող «Կայզերսլաութերնի» դեմ։

Հանդիպման ընթացքում գրանցվեց դարպասի մեկ գրավում. «դեղագործները» հաղթեցին 1:0 հաշվով։

Հանդիպման միակ գոլը հեռահար հիասքանչ հարվածով 16-րդ րոպեին խփեց Գրանիտ Ջական։

Նշենք, որ լևերկուզենյան ակումբը 44-րդ րոպեից խաղում էր 10 ֆուտբոլիստներով. դաշտից հեռացվեց կոտդիվուարցի պաշտպան Օդիոն Կոսունուն։

Այսպիսով, «Բայերը» Բունդեսլիգայի չեմպիոնությանն ավելացրեց նաև Գերմանիայի գավաթը։ Ակումբը պատմության մեջ երկրորդ անգամ է դառնում երկրի գավաթակիր։ «Բայերը» նախորդ անգամ Գերմանիայի գավաթը նվաճել էր 1992/93 մրցաշրջանում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am