Արտակ Դաշյանը ծանր վնասվածք է ստացել

Հայաստանի Պրեմիեր լիգայի 23-րդ տուրում «Փյունիկը» տնային խաղում 2:1 հաշվով կամային հաղթանակ տարավ «Վեսթ Արմենիայի» դեմ խաղում։

«Փյունիկի» կազմից հանդիպումը մեկնարկային րոպեներից սկսեց նաև Արտակ Դաշյանը, սակայն 60-րդ րոպեին ծանր վնասվածք ստացավ և փոխարինվեց։

Հետագայում «նռնագույնների» պաշտոնական կայքը հայտնեց, որ 34-ամյա ֆուտբոլիստի մոտ ախտորոշվել է ձախ անրակի կոտրվածք. անհրաժեշտ է վիրահատական միջամտություն։

Դաշյանը վնասվածքի պատճառով բաց կթողնի 6-8 շաբաթ։

Հայ ֆուտբոլիստը 2023/24 մրցաշրջանում բոլոր մրցաշարերում 27 խաղում խփել է 6 գոլ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am