Կովալենկոն՝ Ատալանտայի ամենաբարձր վարձատրվող ֆուտբոլիստ

Կովալենկոն՝ Ատալանտայի ամենաբարձր վարձատրվող ֆուտբոլիստ

01/02/2021 - 22:52

«Ատալանտայի» ուկրաինացի կիսապաշտպան Վիկտոր Կովալենկոն, ով այսօր՝ փետրվարի 1-ին, «Շախտյորից» տեղափոխվեց իտալական ակումբ, դարձել է նոր թիմի կազմում ամենաբարձր վարձատրվող ֆուտբոլիստը։

Ինչպես տեղեկացնում է Calcio e Finanza պարբերականը, Կովալենկոյի պայմանագիրը «աստվածների» հետ նախատեսված է մինչև 2025 թվականը, որն իր մեջ ներառում է տարեկան 2 մլն եվրո աշխատավարձ։

24-ամյա ֆուտբոլիստին այս առումով հաջորդում են միանգամից երեք խաղացողներ՝ 1․8 մլն եվրո աշխատավարձով։ Խոսքը Յոսիպ Իլիչիչի, Դուվան Սապատայի և Լուիս Մուրիլի մասին է։

Հավելենք, որ 24-ամյա ֆուտբոլիստը «Շախտյորի» սան է, որի հիմնական կազմում հանդես է գալիս 2015 թվականից՝ ակումբի մարզաշապիկով անցկացնելով 199 հանդիպում։

Այդ ընթացքում ֆուտբոլիստը հասցրել է դառնալ 32 գոլի և 12 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023