Անգլիական գրանդը հարցում է ուղարկել ՊՍԺ-ին Մբապեի տրանսաֆերի համար

«Ռեալ Մադրիդը» կարծես թե այլևս միակ թեկնածուն չէ, որը պատրաստ ու ցանկանում է ձեռք բերել ՊՍԺ-ի հարձակվող Կիլիան Մբապեին։

Ինչպես տեղեկացնում է Marca-ն, «Լիվերպուլը» հարցում է ուղարկել փարիզյան ակումբին` պարզելու համար, արդյո՞ք այս ամառային տրանսֆերային պատուհանի ընթացքում հնարավոր կլինի գնել Մբապեին, թե ոչ։

Աղբյուրի փոխանցմամբ` այս տրանսֆերային պատուհանի ընթացքում գործնականում որևէ ակումբ չի կարող իրականացնել 22-ամյա հարձակվողի տեղափոխությունը։ Առավել հավանական է, որ ֆրանսիացի հարձակվողն ակումբային գրանցումը կփոխի 2022 թ. ամռանը։

Ինչ վերաբերում է «Փարիզի» պատասխանին «Լիվերպուլին», ապա ակումբի ներկայացուցիչները մերսիսայդցիներին հստակ հասկացնել են տվել, որ ընթացիկ տրանսֆերային պատուհանին չեն պատրաստվում վաճառել Կիլիան Մբապեին։

ՊՍԺ-ն փորձում է Մբապեին համոզել մնալ ակումբում և ծրագրում է իրականացնել մի շարք խոշոր տրանսֆերներ, որպեսզի նրան ապացուցի, որ ակումբը բարձր ամբիցիաներ ունի։

Հատկանշկաան է, որ ինքը` Մբապեն, ցանկանում է տեղափոխվել «Ռեալ»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am