Սանե. Մենք համբերություն դրսևորեցինք և ցույց տվեցինք մեր ֆուտբոլը

Սանե. Մենք համբերություն դրսևորեցինք և ցույց տվեցինք մեր ֆուտբոլը

25/04/2019 - 14:01

«Ման Սիթիի» կիսապաշտպան Լերոյ Սանեն ամփոփել է ԱՊԼ-ի շրջանակներում ՄՅՈւ-ի դեմ կայացած հանդիպումը (0:2):

23-ամյա գերմանացին դարձավ այս հանդիպման երկրորդ գոլի հեղինակը:

«Սա բարդ խաղ էր: Առաջին կեսում մենք պրոբլեմներ ունեինք, բայց արդյունքում մենք ամեն ինչ ճիշտ արեցինք: Մենք համբերություն դրսևորեցինք և ցույց տվեցինք մեր ֆուտբոլը:

Գվարդիոլան մեզ միշտ փորձում է օգնել տեսնել, թե ինչն ենք մենք վատ արել, ինչպես նաև այն, թե ինչն ենք լավ արել՝ խաղի ընդմիջման ժամանակ օրինակներ ցույց տալով:

Ամեն հանդիպմանը, եթե այն սկսում ես պահեստայինների նստարանին, հուսով ես, որ դաշտ դուրս կգաս: Հատկապես դերբիում: Ես սպասում էի և հույս ունեի: Իսկ երբ Սթերլինգն ինձ փոխանցում կատարեց, ես հասկացա, որ պետք է արագ գործել:

Մենք ուղղակի փորձում ենք հաճույք ստանալ, ջանասիրաբար աշխատել և փորձել կենտրոնանալ մեզ վրա: Ամեն ինչ մեր ձեռքերում է:»,- Սանեի խոսքերն է մեջբերում BBC-ն:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022