Սամուել Էտոյի որդին առաջին գոլն է խփել Լա լիգան ներկայացնող ակումբի կազմում 🎥

Իսպանիայի գավաթի խաղարկության 1/64 եզրափակիչում «Ռայո Վալեկանոն» արտագնա խաղում 5:0 հաշվով վստահ հաղթանակ է տարել երկրի 6-րդ դիվիզիոնը ներկայացնող «Վիլամուրիելի» նկատմամբ։

Հյուրերի կազմից 75-րդ րոպեին փոխարինման է դուրս եկել 22-ամյա հարձակվող Էթիեն Էտոն։ 88-րդ րոպեին դիպուկ հարվածով նա դրել է հանդիպման վերջակետը։

Նշենք, որ Էթիեն Էտոն «Բարսելոնայի», Միլանի «Ինտերի», Լոնդոնի «Չելսիի» և Կամերունի ազգային հավաքականի նախկին հարձակվող Սամուել Էտոյի որդին է։

Էթիեն Էտոն նորամուտն է նշել «Ռայոյի» հիմնական թիմում և խփել առաջին գոլը։ Երիտասարդ ֆուտբոլիստն այս տարվա հուլիսին է պայմանագիր կնքել ակումբի հետ։

Մադրիդյան ակումբը գավաթի խաղարկությունում դուրս է եկել 1/32 եզրափակիչ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից