Պոլ Պոգբա. ՄՅՈւ-ն հավատում է, որ կարող է հաղթել Բարսելոնային

«Մանչեսթեր Յունայթեդի» կիսապաշտպան Պոլ Պոգբան մեկնաբանել է
Չեմպիոնների լիգայի 1/4-րդ եզրափակչի «Բարսելոնայի» դեմ առաջին հանդիպման արդյունքը (0:1):

«Մենք պետք է օգտագործենք մեր գոլային պահերը: «Բարսելոնան» շատ շանսեր չուներ, հնարավոր է՝ մեկը, երբ Դավիդ դե Խեան մեզ փրկեց, բայց դրանից հետո վտանգավոր իրավիճակներ չեղան:

Մենք հավատում ենք, որ կարող ենք նրանց հաղթել: Մենք «Մանչեսթեր Յունայթեդն» ենք և մենք խաղում ենք Չեմպիոնների լիգայում ճիշտ այնպես, ինչպես նրանք:

Իհարկե՝ մենք կարող ենք անցնել առաջ:»,- Պոգբայի խոսքերն է մեջբերում Sky Sports-ը: