Չելսին  շանս չտվեց Արսենալին. Լուկակուն առաջին գոլը խփեց «ազնվականների» կազմում🎥

Չելսին շանս չտվեց Արսենալին. Լուկակուն առաջին գոլը խփեց «ազնվականների» կազմում🎥

22/08/2021 - 22:28

Անգլիական Պրեմիեր լիգայի 2-րդ տուրի կենտրոնական հանդիպումը կայացավ Լոնդոնում, որտեղ «Արսենալն» ընդունեց «Չելսիին»։

Հանդիպումը մեկնարկեց «Չելսիի» ֆուտբոլիստների առավելությամբ, ովքեր նախքան ընդմիջման գնալը երկու գնդակի առավելություն ստացան։

Նախ 15-րդ րոպեին «ազնվականներին» առաջ մղեց Ռոմելու Լուկակուն, ով լոնդոնյան ակումբի կազմում խփեց իր առաջին գոլը, ապա 35-րդ րոպեին աչքի ընկավ Ռիս Ջեյմսը։

Երկրորդ կեսում էլ Թոմաս Տուխելի սաները կարող էին էլ ավելի մեծացնել հաշվի տարբերությունը, սակայն վրիպեցին նպաստավոր դիրքերից։

Ինչ վերաբերում է «Արսենալին», ապա տանտերերը ողջ հանդիպման ընթացքում գրեթե ոչինչ չստեղծեցին «Չելսիի» դարպասի ուղղությամբ։

Այսպիսով, «Չելսին» հաղթեց 2:0 հաշվով և վաստակեց 6 միավոր ու «Լիվերպուլի», «Տոտենհեմի», «Բրայթոնի» հետ գլխավորում է մրցաշարային աղյուսակը։

«Արսենալն» էլ կրեց երկրորդ անընդմեջ պարտությունն ու դեռևս միավոր չի վաստակել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor