Շևչենկոյի թիմը շարունակում է անկումը` պարտվելով նաև ջենովական դերբիում🎥

Շևչենկոյի թիմը շարունակում է անկումը` պարտվելով նաև ջենովական դերբիում🎥

11/12/2021 - 10:41

Իտալական Ա սերիայի շրջանակում մեկնարկեց 17-րդ տուրը, որի առաջին խաղում կայացավ ջենովական հերթական դերբին. «Լուիջի Ֆերարիս» մարզադաշտում միմյանց դեմ մրցեցին «Ջենոան» ու «Սամպդորիան»։

Անդրեյ Շևչենկոյի գլխավորութնամբ «Ջենոան» ոչ մի կերպ չի կարողանում գտնել իր խաղը և այս անգամ էլ պարտվեց 1:3 հաշվով։

«Սամպդորիային» հաղթանակ պարգևեցին Մանոլո Գաբիադինիի և Ֆրանչեսկո Կապուտոյի գոլերը, իսկ «Ջենոայի» պաշտպան Զինյո Վանդհաուզենը գրավեց սեփական դարպասը։

Շևչենկոյի թիմի միակ գոլն էլ խփեց Մատիա Դեստրոն։

Նշենք, որ «Ջենոան» Շևչենկոյի գլխավորությամբ անցկացնում էր 5-րդ հանդիպումը և կրեց 4-րդ պարտությունը` այդ ընթացքում գրանցելով ընդամենը 1 ոչ-ոքի` գնդակների 1:10 հարաբերակցությամբ։

Այս հաղթանակից հետո «Սամպդորիան» վաստակեց 18 միավոր և բարձրացավ 14-րդ հորիզոնական։

«Ջենոան» մնաց 10 միավորով և զբաղեցնում է նախավերջին` 19-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022