Միլանը Ռանգնիկից բացի դիտարկում է նաև մարզչի այլ թեկնածուի

«Միլանը» շարունակում է գլխավոր մարզիչ փնտրտուքները։

Ինչպես տեղեկացնում է TuttoMercatoWeb-ը, «Ռեդ Բուլի» սպորտային և ֆուտբոլային բաժնի ղեկավար Ռալֆ Ռանգնիկը բանակցություններ են վարում, սակայն միլանյան ակումբը դիտարկում է նաև այլընտրանքային տարբերակներ։

Նշվում է, «Միլանի» նոր մարզիչ կարող է դառնալ «Բորդոյի» գլխավոր մարզիչ Պաուլո Սոուզան, ով հիանալի հարաբերություններ ունի «Միլանի» ղեկավարության հետ։ Եթե «ռոսոներիները» համաձայնության չհասնեն Ռանգնիկի հետ, ապա, ամենայն հավանականությամբ, ակումբ կհրավիրեն Սոուզային։

49-ամյա պորտուգալացի մասնագետն Ա սերիայում աշխատելու փորձ արդեն ունի։ 2015-2017 թվականներին նա մարզել է «Ֆիորենտինան», իսկ որպես ֆուտբոլիստ հանդես է եկել «Յուվենտուսում», «Պարմայում», ինչպես նաև «Ինտերում»։