Մանչեսթեր Սիթին շարունակում է հաղթարշավը` էլ ավելի ամրապնդվելով առաջին հորիզոնականում🎥

Անգլիական Պրեմիեր լիգայի 20-րդ տուրի շրջանակում «Մանչեսթեր Սիթին» հյուրընկալվելիս մրցեց «Բրենթֆորդի» դեմ։

Առաջ ընկնելով` նշենք, որ այս խաղում գրանցվեց ընդամենը մեկ գոլ, որը 16-րդ րոպեին իր անվան դիմաց գրանցեց Ֆիլ Ֆոդենը, ով հաղթանակ պարգևեց «քաղաքաբնակներին»։

Այսպիսով, «Մանչեսթեր Սիթին» հաղթեց 1:0 հաշվով, վաստակեց 50 միավոր և շարունակում է գլխավորել Պրեմիեր լիգայի մրցաշարային աղյուսակն ու էլ ավելի ամրապնդեց դիրքերը, քանի որ արդեն 8 միավորով գերազանցում է մոտակա հետապնդող «Չելսիին»։

«Բրենթֆորդը» մնաց 20 միավորով և զբաղեցնում է 14-րդ հորիզոնականը։

Նշենք, որ Պեպ Գվարդիոլայի թիմը Պրեմիեր լիգայի շրջանակում տոնեց 10-րդ անընդմեջ հաղթանակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am