Հակիմին առաջ է տանում ՊՍԺ-ին` ապահովելով իր թիմի դրամատիկ հաղթանակը🎥

Հակիմին առաջ է տանում ՊՍԺ-ին` ապահովելով իր թիմի դրամատիկ հաղթանակը🎥

23/09/2021 - 01:02

Ֆրանսիական Լիգա 1-ի 7-րդ տուրի շրջանակում ՊՍԺ-ն հյուրընկալվելիս մրցեց «Մեցի» դեմ։

Հանդիպման հաշիվը բացեց արդեն 5-րդ րոպեին. Աշրաֆ Հակիմին առաջ մղեց փարիզյան ակումբին։

Խփած գոլից հետո էլ Մաուրիսիո Պոչետինոյի սաները շարունակում էին վերահսկել հանդիպման ընթացքը և ունեին տարածքային առավելություն, սակայն չկարողացան մեծացնել հաշվի տարբերությունը։

Դեռ ավելին` 39-րդ րոպեին «Մեցի» ֆուտբոլիստներն անկյունայինի խաղարկումից հետո հավասարեցրին հաշիվը. աչքի ընկավ Կիկի Կույատեն։

Առաջին կեսն ավարտվեց 1:1 հաշվով։

Երկրորդ խաղակեսում «Պարի Սեն-Ժերմենի» առավելությունն առավել քան ակնհայտ էր. հյուրերն ստեղծեցին մի շարք իրական գոլային պահեր, սակայն ոչ մի կերպ չէր հաջողվում խփել հաղթական գնդակը։

Երբ թվում էր` խաղն ավարտվելու է 1:1 հաշվով, 90+5-րդ րոպեին Աշրաֆ Հակիմին կրկին հերոսացավ, դարձավ դուբլի հեղինակ և դրամատիկ հաղթանակ պարգևեց ՊՍԺ-ին

Այսպիսով, ՊՍԺ-ն հաղթեց 2: 1 հաշով. ՊՍԺ-ն Լիգա 1-ի շրջանակում տոնեց 7-րդ անընդմեջ հաթանակը, վաստակեց 21 միավոր և վստահորեն գլխավորում է մրցաշարային աղյուսակը։

«Մեցը» մնաց 3 միավորով և զբաղեցնում է վերջին` 20-րդ հորիզոնականը։

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor