Կոնտեն Տոտենհեմի ֆուտբոլիստներին արգելել է կետչուպ և մայոնեզ օգտագործել

«Տոտենհեմի» նոր գլխավոր մարզիչ Անտոնիո Կոնտեն մի շարք փոփոխություններ է կատարել թիմի ֆուտբոլիստների սննդակարգում։

Ինչպես տեղեկացնում է The Athletic-ը, մարզումներից մեկից հետո իտալացի մասնագետը մի շարք ֆուտբոլիստների ասել է, որ նրանք ավելորդ քաշ ունեն։

Հաղորդվում է, որ իտալացի մասնագետի որոշմամբ «խցանների» ֆուտբոլիստները պետք է պարտադիր ճաշեն ողջ թիմով։

Բացի դրանից, նրանց ճաշացանկից հանվել են ծանր ուտելիքներն ու պիցաները, ինչպես նաև Կոնտեն արգելել է իր ֆուտբոլիստներին օգտագործել կետչուպ և մայոնեզ։

«Տոտենհեմի» ֆուտբոլիստներին այսուհետ մրգային հյութեր ավելի քիչ կտան, իսկ նրանց ուտելիքներին ավելի քիչ կավելացնեն արևածաղկի ձեթ ու կարագ։

Կոնտեն իր սաներին հորդորել է նաև շատ միրգ ուտել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am