Կյանքից անժամանակ հեռացել է Փյունիկի գլխավոր քարտուղար Դավիթ Մարտիրոսյանը

27 տարեկան հասակում կյանքից հեռացել է «Փյունիկի» գլխավոր քարտուղար Դավիթ Մարտիրոսյանը, հայտնում է ակումբի մամուլի ծառայությունը։

«Խորը կսկիծով տեղեկացնում ենք, որ կյանքից անժամանակ հեռացել է «Փյունիկ» ՖԱ-ի գլխավոր քարտուղար Դավիթ Մարտիրոսյանը:

Դավիթը մեր ֆուտբոլային աշխարհում մեծ հարգանք վայելող անձնավորություն էր՝ անսահման բարությամբ ու անչափ նվիրված իր սիրելի գործին:

«Փյունիկ» ՖԱ-ի ողջ անձնակազմն իր խորին ցավակցությունն ու զորակցությունն է հայտնում Դավիթ Մարտիրոսյանի հարազատներին և մտերիմներին:

Լույսերի մեջ մնա՛ս, մեր սիրելի Դավի՛թ»,- նշված է ակումբի հայտարարությունում։

Նշենք, որ Դավիթ Մարտիրոսյանը սովորել է ԵՊՀ Ժուռնալիստիկայի ֆակուլտետում, 2012-2020 թթ. թղթակցել է «Ֆուտբոլ Պլյուս» շաբաթաթերթին։ Դավիթն աշխատել է «Միկա» ու «Գանձասար-Կապան» ֆուտբոլային ակումբների մամուլի բաժնում:

2019 թ. համալրել է «Ուրարտու» ֆուտբոլային ակումբը, եղել է հանրային կապերի և մամուլի բաժնի ղեկավարը, այնուհետև դարձել է գործադիր տնօրեն և կոմերցիոն հարցերով փոխտնօրեն։ «Փյունիկ» ֆուտբոլային ակումբի գլխավոր քարտուղարի պաշտոնում աշխատանքի էր անցել 2024 թվականի հունվարից:

Նա անվանի ֆուտբոլային մեկնաբան Սուրեն Բաղդասարյանի թոռն էր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am