Խավի. «Եվրոպա լիգան հիանալի մրցաշար է. Բարսելոնան կպայքարի հաղթանակի համար»

Չեմպիոնների լիգայի խմբային փուլի վերջին` 6-րդ տուրում «Բարսելոնան» հյուրընկալվելիս 4:2 հաշվով հաղթեց «Վիկտորիա Պլզենին»։

Հանդիպումից հետո իր տպավորություններով է կիսվել կատալոնական ակումբի գլխավոր մարզիչ Խավին.

«Չեմպիոնների լիգայի խմբային փուլի մեր մրցելույթները բացասական եմ գնահատում։

Մենք փլեյ-օֆֆ դուրս գալու հնարավորություն ունեինք, ամեն ինչ կախված էր մեզնից, սակայն վճռորոշ պահին չօգտվեցինք դրանից։

Այժմ մենք Եվրոպա լիգայի ֆավորիտն ենք, որը հիանալի մրցաշար է, և «Բարսելոնան» կպայքարի հաղթանակի համար։

«Վիկտորիա Պլզենի» դեմ հա դիպման առաջին կեսն ինձ դուր եկավ։ Այնուամենայնիվ, մենք շատ գոլային պահեր ենք վատնում»,- Խավիի խոսքերը մեջբերում է ՈՒԵՖԱ-ի պաշտոնական կայքը։

Հիշեցնենք, որ «Բարսելոնան» երկրորդ տարին անընդմեջ չկարողացավ հաղթահարել Չեմպիոնների լիգայի խմբային փուլը և պայքարը կշարունակի Եվրոպա լիգայի 1/16 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am