Խավի. «Ակնհայտ խաղից դուրս էր. ինձ դուր է գալիս VAR-ը»
20/03/2023 - 12:52
Իսպանական Լա լիգայի 26-րդ տուրում «Բարսելոնան» սեփական հարկի տակ 2:1 հաշվով դրամատիկ հաղթանակ տոնեց «Ռեալ Մադրիդի» նկատմամբ։
Հանդիպումից հետո «բլաուգրանայի» գլխավոր մարզիչ Խավին խոսել է 81-րդ րոպեին «արքայական» ակումբի կիսապաշտպան Մարկո Ասենսիոյի չարձանագրված գոլի մասին.
«Ակնհայտ խաղից դուրս էր. սա գիտական փաստ է։ Զարմացած եմ, որ Կառլո Անչելոտին կասկածում է այդ հարցում։ Պարզապես երկու կարծիք լինել չի կարող։
Ինձ դուր է գալիս VAR-ը, քանի որ այն ավելի արդար է դարձնում ֆուտբոլը, հատկապես, խաղից դուրս իրավիճակների դեպքում»,- Խավիի խոսքերը մեջբերում է ESPN Deportes-ը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am