Ինտերը փայլում է` խոշոր հաշվով հաղթելով Էմպոլիին 🎥

Իտալական Ա սերիայի 10-րդ տուրում «Ինտերը» արտագնա խաղում մրցեց «Էմպոլիի» դեմ։

Հանդիպման մեծ մասում «ներաձուրիներն» ունեին խաղային լուրջ առավելություն և հաղթեցին 3:0 հաշվով։

Սիմոնե Ինձզագիի գլխավորած թիմից դուբլի հեղինակ դարձավ Դավիդե Ֆրատեզին, մեկ գոլ էլ խփեց Լաուտարո Մարտինեսը։

Նշենք, որ «Էմպոլին» 31-րդ րոպեին մնաց 10 ֆուտբոլիստներով. կոպիտ խաղի համար դաշտի հեռացվեց վրացի պաշտպան Սաբա Գոգլիչիձեն։ Տոսկանական ակումբը բոլոր գոլերը բաց թողեց կարմիր քարտից հետո։

Միլանյան գրանդից հանդիպմանը մասնակցեց նաև Հայաստանի հավաքականի նախկին ավագ Հենրիխ Մխիթարյանը, որը փոխարինվեց 65-րդ րոպեին։

«Ինտերը» հաղթանակից հետո վաստակեց 28 միավոր և զբաղեցնում է երկրորդ տեղը։ «Էմպոլին» ունի 11 միավոր ու 11-րդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից