Թրիլեր «Էնֆիլդում». Լիվերպուլը վստահ խաղով հաղթեց Ռեալին 🎥

Չեմպիոնների լիգայի հիմնական փուլի 5-րդ տուրում «Լիվերպուլը» «Էնֆիլդ Ռոուդ» մարզադաշտում մրցեց Մադրիդի «Ռեալի» դեմ։

Մերսիսայդյան ակումբը գրեթե ամբողջ հանդիպման ընթացքում ուներ խաղային ու տարածքային առավելություն` հաղթելով 2:0 հաշվով։

Արնե Սլոթի գլխավորած թիմից 52-րդ րոպեին հաշիվը բացեց Ալեքսիս Մաքալիսթերը, իսկ 77-րդ րոպեին աչքի ընկավ Կոդի Գակպոն։

Նշենք, որ «արքայական» ակումբի կազմից 61-րդ րոպեին 11-մետրանոցից վրիպեց Կիլիան Մբապեն. տանտերերին փրկեց դարպասապահ Կուիմին Կելեհերը։

70-րդ րոպեին նշակետից վրիպեց արդեն «Լիվերպուլի» վինգեր Մոհամեդ Սալահը, որը շեղ հարվածեց։

«Լիվերպուլը» Չեմպիոնների լիգայի հիմնական փուլի միակ ակումբն է, որը հաղթել է բոլոր խաղերում, 15 միավորով գլխավորում է մրցաշարային աղյուսակը։ «Ռեալը» 6 միավորով 24-րդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից