Դեպայը կարող է հեռանալ Լիոնից և տեղափոխվել Լիվերպուլ

«Լիոնի» կիսապաշտպան Մեմֆիս Դեպայը որոշել է փոխել ակումբը:

Հոլանդիայի հավաքականի 25-ամյա խաղացողը վստահ է, որ կարող է հանդես գալ Եվրոպայի թոփ 10 թիմերի մակարդակում:

Get French Football News-ը L’Équipe-ի հղումով հայտնում է, որ Դեպայի հանդեպ կա հետաքրքրություն, սակայն պոտենցիալ գնորդներին անհանգստացնում է ֆուտբոլիստի վարքը և բնավորությունը:

«Լիվերպուլը» Դեպայի ձեռք բերման տարբերակը դիտարկում է այն դեպքում, եթե հեռանա հարձակման գծի ֆուտբոլիստներից մեկը:Օրինակ, եթե Սադիո Մանեն տեղափոխվի «Ռեալ»:

Դեպայը Ֆրանսիայի առաջնության 28 խաղերում խփել է 6 գոլ և կատարել 8 գոլային փոխանցում:Անգլիայում նա խաղացել է 2015-2017 թվականներին «Մանչեսթեր Յունայթեդի» կազմում: