Գործարքը կայացած է. Խվիչան տեղափոխվում է ՊՍԺ

«Նապոլիի» վինգեր Խվիչա Կվարացխելիան կարիերան կշարունակի ՊՍԺ-ի կազմում։

Ինսայդեր Ֆաբրիցիո Ռոմանոն գրում է, որ փարիզյան ակումբը գործարքի հարցում վերջնական համաձայնության է հասել «Նապոլիի» հետ։ «Պարի Սեն-Ժերմենը» վրացի ֆուտբոլիստի տեղափոխության համար կվճարի 70 միլիոն եվրոյից ավելի գումար։

Եզրային հարձակվողը Ֆրանսիայի չեմպիոնի հետ պայմանագիրը կնքելու է մինչև 2030 թ. հունիսի 30-ը։

23-ամյա ֆուտբոլիստը մոտ օրերս կմեկնի Փարիզ և բուժզննում կանցնի ՊՍԺ-ի համար։

Հիշեցնենք, որ Կվարացխելիան 2022թ. հուլիսին է տեղափոխվել իտալական ակումբ, 107 խաղում խփել է 30 գոլ, կատարել 24 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից